GOSSIP 1X3

-

الجزء الثالث من القوسيب :) .. بالطريقة اللي نحبها .. نطلع عن المألوف 
الأخبار اللي تكون بفقرات القوسيب .. بعيده عن نزول ألبومات ، مواعيد تدور أو أخبار فنيه معروفه ومتابعها الفانز ..
أحاول وأخبي الأخبار الأكشنات عشان التنويع .. للناس اللي طلبوا الأخبار العامة لنزول الألبومات وغيرها أعتذر ..

بالمناسبة كل مره أفتح المسوده حتى أكتب شيء يجي ببالي أوظف أحد اللي يشتغلون بأعلانات MBC خخخخ
عليهم طريقة فضيعه للتشويق ويطيرون لك الشيء للسما .. يعني يعرفون يصفون الحجي خخخخخخ لدرجة انك تحس راح تفقد نص عمرك لو ماشفت الحدث :(

بيونسيه خلال أقل من سنة من وقت صدور ألبومها لين هذي اللحظه محد وقف حكي عنها

سواء من الأعلام أو الجماهير أو حتى الفنانين .. مش بس بالذهول لطريقة الصدور وأول فيجوال آلبوم وغيره 

بل حتى بالكليبات و التعاونات مازالت تفرض نفسها ع الكل في كل شيء تسويه خلال هالإيرا 

أحد الناس اللي تضايقت من الكليب الأخير بارتشن هو بيل أوريللي اللي قال عن الكليب إنه " زبالة "

لييييه ياحبيبي ليه ؟! يقول ليه تسوي هالنوعية من الكليبات و تكتب هالنوعية من الاغاني ؟
وشهوله تسوي هالأشياء وتكون مثال سيء للبنات ؟ وشهوله ؟
اللي تفرض جرأه المرأه وتعريتها من حقيقة إنسانة خجولة وإنسانة ماتفرض نفسها في الوضع الجنسي مع الرجل !

طبعاً جاء الرد جاهز من التيم حقها مغلف بسبعطش طريقه إن أنتهى زمن إن المرأه لازم تخفي أحاسيسها ومشاعرها عشان النظرة المجتمعيه

ناخذ نظرة سريعه على المنتجين وعلى اللي ساعدوها بكتابة الأغنية نشوفهم جستين تمبرليك + تمبرلاند

هههههههههههههههههههههههههههههههههههههههههههههههههههههههههه أكثر أثنين مروجين للجنس في الأغاني في العالم
أتفق في بعض لقطات الكليب اللي كانت مفاجئه صراحه .. خاصة إنها الآن " أم " فكل المعايير تختلف عن قبل ..
لكن لسه باقي الألبوم مانزلت له الأغاني .. خلونا بحماس وشغف ننتظر :)

في حركة غريبه من نوعها الفنانه ميا قعدت من النوم حست إنها بمود لأغاني بيونسيه وتقول فيه أغنيه عجزت اشيلها من راسي

راحت أشتغلت على ريمكس لها هههههههههههههه الثقة العمياء أيها الأحبه .. وحطت مقطع بسيط على برنامج الأنستقرام وهي ترقص مع ولدها على أغام الريمكس الأسطوري اللي عملته ..

مايضر أبداً .. لأن بيونسيه رحبت بحركتها لكن مالكش في الطيب نصيب لأن تيم بيونسيه رفضو يعتمدونه ويبدأون يبيعون 

برأيي أفضل ريمكس للأغنية صار هو من قبل المبدع الأسترالي  Vice

جيسيكا الأستراليه لأول مره تتعرى في الشاشه عشان تصور الكليب الجديد حقها اللي بالحمام !!

أستراليا كلها عصبت وزعلت لكن أهي شافته بمنظور ثاني وقالت الشيء اللي أقدمه مايلمس حياتي الشخصيه ..

وأنا إنسانه أعرف حدودي .. وقتها كانت منزله صورها بالأنستقرام ببدلة رقص بقطعتين :)

مابلااااااش النية السوده دي ..

في أحد الفيديوهات الي طلعت ل تور الفنانة بيونسيه ظهر مقطع ظريف ل فان يضربها على مؤخرتها بمجرد ما ألتفت 

هالشيء ما أزعج بيونسيه كثير كثير وكملت الشو بس يقولون لكم لما أنتشر المقطع زعلت :/

ماش ماتعرف تصرف عمرها .. المهم .. الشو اللي بعده طلبت حراسة أي زادت عدد الستاف مكثفه بضعفين الموجودين ..

أحتياط لأي أحد ممكن يقرب على ممتلكات جي زي الخاصه :)

قاقا ، ذكرونا ايش صار بالألبوم والسينقلز والفيديو كليبس ؟! بعد مشكلتها مع شركة الأنتاج اللي منعتها من عرض الكليب 

للأغنية المشتركة مع آر كيلي اللي قام بتصويرها ريتشارد .. نقدر نقول زعلت وقررت تسوي كل شي بنفسها

وهذي المره الثانيه اللي تقرر هذا القرار في أقل من سنه .. وكلنا عارفين بنفسها ايش يعني !!

قدمت عرض بالنسبة لي كان فوضوي وماله بوينت وحاجه معينه .. كان الغرض البز اللي نجحت فيها .. 

زي ماهو بالعنوان بالضبط هي قدمت هذا ال" القيئ" المزيف على إنه فن .. ونانسي تقول :

لو كان دا فن ياويلي منوو .. لو كان دا ذنب حتوب عنوو .. أمزح :(

البيلبورد عرضت قائمة فيها 40 أسم لأكثر فنانين جني للأموال خلال سنه بس بل أقل .. وفنانة الكونتري الصغيره تايلور صقعتهم كلهم ..

يقولون تايلور من وقت الخبر وهي ماتسمع إلا " I woke up like this We flawless, ladies tell 'em "

القائمة ل ال40 فنان :

 Taylor Swift – $39,699,575.60

02. Kenny Chesney – $32, 956,240.70
03. Justin Timberlake – $31,463,297.03
04. Bon Jovi – $29,436,801.04
05. The Rolling Stones – $26,225,121.71
06. Beyoncé – $24,429,176.86
07. Maroon 5 – $22,284,754.07
08. Luke Bryan – $22,142,235.98
09. Pink – $20,072,072.32
10. Fleetwood Mac – $19,123,101.98
11. Justin Bieber – $18,873,458.41
12. Bruno Mars – $18,839,681
13. One Direction – $18,041,472.69
14. Jason Aldean – $17,896,191.98
15. George Strait – $16,002,761.63
16. Jay Z – $15,652,428.82
17. Michael Bublé – $14,478,084
18. Mumford & Sons – $14,172,940.87
19. Dave Matthews Band – $13,932,731.14
20. Rihanna – $12,794,186.16
21. Paul McCartney – $13,769,479.16
22. The Eagles – $13,026,210.18
23. Celine Dion – $12,755,539.71
24. Trans-Siberian Orchestra – $12,473,798.20
25. Phish – $12,406,611.95
26. Kanye West – $11,574,833.92
27. Blake Shelton – $10,349,774.77
28. John Mayer – $10,010,017.17
29. New Kids on the Block – $9,938,526.59
30. Zac Brown Band – $9,888,213.32
31. Imagine Dragons – $9,448,031.68
32. Jimmy Buffett – $9,404,015.71
33. Elton John – $9,369,224.53
34. Rascal Flatts – $9,215,475.78
35. Rush – $9,050,583.42
36. Miranda Lambert – $8,831,605.89
37. Lil Wayne – $8,788,416.66
38. Tim McGraw – $8,761,716.61
39. Eminem – $8,524,782.99
40. Carrie Underwood – $8,051,483.55

الأكثر دفع لفناني الكونتري يليهم الروك ثم البوب وآخر شي الهيب هوب .. 

جيسون بطريقة مختلفه حب يعلن عن التور القادم له .. وضع فيديو لكل المشاهير اللي غنوا + رقصوا على أغام أغنيته الشهيره talk D 

بالفيديو كثير أمثال أريانا قراندي ، الون دايركشن والمذيع المخضرم لاري ، ويل آيام ورايان سيكريست.وأكثر بالفيديو الممتع ..

زوجة روبن ثيك توافق تسامحه وتعطيه فرصه ثانيه .. مش بس عشان البيبي وعشرة العمر والمكالمات اللي أزعجها فيها 

لكن غنالها أغنية كامله بالتور اللي بدأ من فتره .. والأغنية كانت بعنوان Lost Without U :( 

وقال كلكم تعرفون إني أنفصلت عن زوجتي وصارخوا البنات هنا زي اللي خيييييييييييير ورجع قال أنا بغني هالأغنيه بحاول أرجع حبيبتي

اللي بالمقطع تقول دوووونت باااك .. ماش بنات فسقانات :( .. 

شيرل كول رجعت للأكس فاكتور بعد غياب دام 3 سنوات .. نزلت فيه ألبوم لكن ماحققت النجاح المتوقع لذا الحل هو ترجع للبرنامج

اللي كابرت كثير زمان عن إنها مش محتاجته.. وأيضا ً سايمون كاول اللي رجع للبرنامج بعد ما ألغيت النسخة الامريكية الفاشلة ..

اللي غير وعفس باللجنه لين قال آمين وخسر 5 ملايين وغيرها جوائز على قلة سنع .. هالمره شيرل راجعه بشراسه وطلبت من سايمون يا إهي ع اللجنه يا لوي والش 

لوي والش هو المانيجر القديم لفرقتها السابقة قيرلز ألاود .. وفرق كثيره مثل البويز زون وويست لايف وحاليا ً يونيون جي وغيرهم ..

سايمون تربطه بعلاقه قديمه دامت لأكثر من 20 سنه بلوي لذا يشوف الأمر صعب عليه فهناك إشاعات إنه حوله ل بريتش قوت تالنت هههههههههههههههه المهم مايبتعد عن سايمون وبرامجه ..

راح أفتقده كثيير :( وبتكون شيرل زادت أحد أسباب حقدي بمحارشها بشويبي لوي :( 

والش بدوره ما هنئ شيرل ولا أحتفل معاهم ورفض يعلق على الموضوع كليا ً متجاهلها ..

في الأشاعات عن بقية أعضاء اللجنه من النساء ممكن تكون ريتا أورا .. ومن الرجال ليحل بدل والش قد يكون الفنان رونان كيتنغ

المعروف بباند بويززون وأيضً أحد حكام النسخة الأستراليه من البرنامج

وممكن الاشاعه اللي طلعت بالفتره الأخيره المغني البريطاني أولي مارس اللي طلع من البرنامج بالمرتبه الثانيه من فريق سايمون ..

من عندي هذي فرصة العمر لرونان لكن تو متش اللي قاعد يسويه سايمون في النسخة الأستراليه .. سرق منهم كل الأعضاء :(

ميل وداها على أمريكا ورونان صار له شهر ببريطانيا لذا الاشاعات تقول ممكن تكون فعلاً صحيحه .. أنا حزينه للخبر وبنفس الوقت فرحانه بشكل لايوصف ..

الأيام الجايه راح يحسم فيها النتيجه عشان بدأ الأعلان وأستقبال طلبات المتقدمين للأوديشن .. 

إنتهت الأخبار .. تمنيت تكون أكثر دسمه وفيها مماعط شوش والشهريه أفضل بس عشان اللي طلبوها كثير مني .. أحبببببببببكم  ..

أي تعليق ، إقتراح أرحب فيه في صندوق التعليق بالأسفل .. نشوفكم في القوسيب الجاي :)